要出卖灵魂 梗係要靠西人杜游珍

澳门两大娱乐城「新濠影汇」及「澳门银河Ⅱ期」终于宣布喺年中开张,到时合计多出近4,000间客房, 加上「亚洲最高摩天轮」、「综艺剧场」同「加码人造冲浪池」,话题声势多箩箩,似乎唔去会执输!

由吹水到落实,始终要等到年中先有货卖,率先登场,就係预告宣传「口水战」,上星期赌王之子何猷龙亲自招呼港澳记者,首播新濠影汇揼本宣传片《The Audition 》——牌头认真唔嘢小,搵嚟马田史高西斯( Martin Scorsese) 执导、里安纳度( Leonardo DiCaprio)、罗拔迪尼路( Robert DeNiro)和毕彼特( Brad Pitt)三大巨星参演!据闻单係短片製作连演员薪酬,已经耗资美金七千万。不过就有人表示唔抵得, 科技网站TheVerge 形容几位荷里活大帝「Sell Their Souls for a$70M 」、毕明亦喺本地专栏慨歎创意欠奉有钱大晒……不过今次阿珍又唔係咁睇,反正都係用名人效应打开话题, 露出「国际势力的端倪」又有乜问题?掉转谂,若然今次千万片酬係用嚟聘请葛优、姜文、黄晓明,咪盏令人投诉偏颇强国品味?至于为拍广告出卖灵魂,外国人实在係见识少,上世纪不知几多荷里活巨星放下身段、扮鬼扮马演出日本骑呢广告,比起今次可以做返赌城大亨老本行,都算髮型夹返个脸型,唔太失威啫!

延伸阅读:坚离地的 Marry Chrismax@杜游珍

相关阅读